31ª Semana tempo comum: Sábado, dia 5 fulan Novembro, 2022 November 5, 2022
Reflection on the WORD
Maluk sira mak Kristu hadomi,
Responsibilades-Fiar:Iha Evangelho ohin, Jesus alerta Nia eskolante sira kona-bá tentasaun no desepsaun boot sira husi osan no rikusoi material nian; sira bele hasees no hadook ita husi ita nia fiar, esperanca no domin ba Maromak. Reflete; “osan no atraisaun sekular sira seluk sai ona obstáculo ba ita nia crescimento relasaun ho Maromak?
Pe. Philip Heng, S.J.
Lk 16:10-15
10 Se mak laran la los kona ba buat kiik, laran la los mos kona ba buat boot. 11Ne’e duni, imi laran la los karik kona ba osan aat ne’e, se mak fiar imi kona ba rikusoi lo-los? 12Imi la hare di-diak karik ema seluk nia sasan, se mak sei saran ba imi imi rasik nia sasan? 13Atan ida la bele serbi na’i na’in rua: nia sei odi ida hodi hadomi ida seluk, ka nia sei hadomi ida hodi hewai ida seluk. Imi la bele serbi Maromak no osan dala ida.” 14Fariseu sira nebe hadomi osan, rona buat hirak ne’e hotu hodi hamnasa Nia. 15Nia dehan ba sira: “Imi halo an ema diak iha ema sira nia oin, maibe Maromak hatene imi nia fuan. Basa buat nebe iha folin boot ba ema sira, aat liu fali ba Maromak.
Today's Pointers on God's Word
As you read the passage what words, phases or meanings caught your attention?
- · Ema Kristaun lolos tenki uza nia osan tuir Maromak Nia hanorin (Maromak nia dalan). Ida ne’e signifika katak ita tenki prudente uza osan no labele gasta arbiru de’it ba buat sira nebé la necessário (estragos no la presiza).
- · Bensaun sira nebé Maromak fó mai ita hanesan osan ita labele uza de’it tuir ita nia hakarak, tanba ita rona ona ema balun experimenta sorti aat nebé ikus mai sira lakon hotu sira nia rikusoin. Ida ne’e laos atu hakiak ta’uk maibé atu sai consciente liu-tan ba Maromak nia bensaun sira nebé ita simu.
- · Reza ba graça gratidaun nian ba Maromak iha tempu hot-hotu; ba buat hotu nebé ita iha: osan, moris, fiar no familia. Buat hirak ne’e mak Maromak Nia Bensaun sira nebé fó mai ita.