DGEMs

Maluk sira mak Kristu hadomi,

"Maromak ka ita nia orgulho/foti-an sira" – Fiar: iha narativu Evangelho ohin, Jesus relata aiknanoik kona-bá “konvidados ba festa kazamentu ne’ebé hakarak hadau fatin importante iha festa ne’e” – Jesus ko’alia ida ne’e hodi fo hanoin ba ema fariseu sira kona-bá perigu husi fiar ne’ebé hipócrita ka fiar ne’ebé superfisial. Ita presiza fiar ida ne’ebé humilde. Reflete: oinsa ita prátika ita nia moris fiar nian – ho humildade hanesan Jesus? Reflete tok se ita nia orgulho pessoal no ita nia hahalok hipócritas sira hamenus ka enfraquese ita nia fiar iha Jesus?

Pe. Philip Heng, S.J.

1Iha loron Sabadu ida, Jesus tama iha fariseu boot ida nia uma atu han. Sira hotu hateke ba Nia. 7Hare tiha oin sa bainaka balun fihir tur fatin diak, Jesus haktuir ba sira aiknanoik ida ne’e: 8“Ema ruma konvida karik o ba festa kaben ida, keta tur iha meja ulun; keta uma na’in konvida ema boot liu o karik; 9hafoin, ema ne’ebé konvida imi na’in rua sei dehan ba o: ‘Fo lai fatin ba ema ne’e.’ Nune’e o sei moe boot, hodi ba tur iha fatin ikus liu. 10Maibé wainhira ema konvida o, ba tur iha fatin ikus liu; nune’e, wainhira ema ne’ebé konvida o to’o mai, nia sei dehan ba o: ‘Belun, mai tur liu leten.’ Nune’e ema hotu ne’ebé tur hamutuk iha meja sei hahi o. 11Basa ema ne’ebé foti an, Na’i sei hatun nia; no ema ne’ebé haraik an, Na’i sei foti nia.”