30ª Semana tempo comum: São Simão no São Judas, Apostolus; Sexta-feira, dia 28 fulan Outubro, 2022 October 28, 2022
Reflection on the WORD
Maluk sira mak Kristu hadomi,
Maromak nia Plano Salvasaun: Iha Evangelho ohin, Jesus revela katak Maromak nia planu salvasaun mak bolu Apóstolo sanulu resin rua hodi kontinua Ninia missaun atu hatudu Maromak nia domin salvífico no mizerikordiozo ba sira ne’ebé terus ka sofre hela; espesialmente sira ne’ebé enfrenta difikuldade iha parte emosional no espiritual no hela iha nakukun laran. Reflete: husu grasa atu Maromak haraik naroman no forsa hodi moris tuir planu Maromak nian iha ita nia moris lorloron.
Pe. Philip Heng, S.J.
Lk 6:12-13,17-19
12Iha loron hirak neba Nia sa’e ba foho atu harohan; kalan tomak Nia harohan ba Maromak. 13Iha dader, Nia bolu ba nia An eskolante sira, hodi fihir housi sira le’et na’in sanulu resin rua ne’ebé Nia hanaran ‘apostolu’. 17Tun tiha hamutuk ho sira, Jesus tur iha rai tetuk ida. Iha neba eskolante barak ho tan ema lubun boot housi rai Judeia tomak, housi Jerusalem no housi tasi ibun Tiro no Sidonia nian, 18mai atu rona Nia no mos atu hetan isin diak housi sira nia moras no sira ne’ebé espiritu foer sira book, no sira hotu hetan diak. 19Sira hotu buka atu kona nia, basa kbiit sai housi Nia hodi fo isin diak ba sira hotu.
Today's Pointers on God's Word
As you read the passage what words, phases or meanings caught your attention?
- · Jesus sempre reza uluk antes Nia atu foti desizaun importante ruma. Liu husi inspirasaun divina, Jesus hili no bolu ema sira ne’ebé simples hodi sai Ninia apóstolos sira. Jesus bolu sira atu sai líderes ba Igreja. Apóstolos sira responde generozamente ba Na’i nia bolu.
- · Jesus mos hakarak atu ita mos bele responde generozamente hodi serbí Nia tuir necessidades Igreja no mundo nian. Oinsa ho ita nia dispozisaun ka prontidaun?
- · Ita reza hodi husu grasa ne’ebé ita presiza, liu-liu ita husu forsa, korajem no generozidade atu bele responde ba Na’i nia bolu iha ita nia moris.