30ª Semana tempo comum: Terça-feira, dia 25, fulan Outubro, 2022 October 25, 2022
Reflection on the WORD
Maluk sira mak Kristu hadomi,
“Maromak kontinua serbísu iha Ninia Reinu”: iha Evangelho ohin, Jesus proklama katak Maromak nia Reinu bele parese externamente kiik’oan no insignificante, maibé Jesus revela Maromak ninia Divindade ho ninia Moris hias husi mate, Jesus mak lori salvasaun ba sira hotu ne’ebé mak komete ona pekadu. Reflete: “ita nia komprensaun no julgamentu sira kona-bá Maromak nia Reinu meramente mai husi ita nia persepsaun humana ne’ebé iha limitasaun, tamba sa mak ita la tenta atu buka hatene Maromak nia Reinu liu husi ita nia fiar?
Pe. Philip Heng, S.J.
Lk 13:18-21
18Hafoin Nia dehan: “Maromak nia reinu hanesan sa ida los, eh Ha’u sei tanesan nia ho sa ida? 19Nia hanesan mustarda musan ne’ebé ema ida kaer hodi kuda iha nia to’os. Musan ne’e moris hodi sai aihun boot ida, manu sira housi lalehan mai tur iha nia sanak sira.” 20Nia dehan tan: “Ha’u sei tanesan Maromak nia reinu ho sa ida los? 21Nia hanesan fermentu ne’ebé feto ida tau iha farina sasukat tolu, to’o masa tomak sa’e.”
Today's Pointers on God's Word
As you read the passage what words, phases or meanings caught your attention?
- · Reinu Maromak nian oferese moris rohan laek hanesan prezenti divinu ida ne’ebé ema hotu-hotu bele hetan gratuitamente. Tamba ne’e, Jesus afirma katak ita ne’ebé fiar na’in, ita nia papel mak preserva no promove Maromak nia Reinu iha kada momentu iha ita nia vida.
- · Oinsa mak ita nia estilu de vida lori ema seluk ba Jesus no Ninia Aman nia Reinu? Dezafiu saida mak Maromak revela hela iha o nia moris agora?
- · Refleta kona ba o nia experiensia sira oinsa Maromak nia Reinu sai fonte de konsolasaun iha tempu difisil sira no fonte de alegira no paz wainhira o entrega o nia moris ba Maromak.