DGEMs

Maluk sira mak Kristu hadomi,

 “Moris ho Discernimentu – Fiar”: iha Evangelho ohin, Jesus proklama ba ema multidaun katak sira presiza uza matenek no fuan ne’ebé Maromak fó ona ba sira hodi discerne Maromak nia vontade. Halo Maromak nia vontade mak importante liu, tamba dala barak ita buka atu serbí ita-an rasik, halo buat hotu atu glorifika ita-an rasik, buka de’it ida ne’ebé mak lori satisfasaun ba-an rasik iha mundu ne’e. Reflete: ita harohan ba Maromak atu ho ninia Espíritu sabedoria/matenek nian bele tulun ita hodi discerne didiak ita nia desizaun sira iha ita nia moris lorloron nian.

Pe. Philip Heng, S.J.

54Nia dehan tan ba ema lubun boot: “Wainhira imi hare kalohan ida iha loromonu, imi dehan katak udan sei tau, no mosu duni nune’e. 55Wainhira anin hu’u housi tasimane, imi dehan katak loron sei manas, no mosu duni nune’e. 56Imi ema laran makerek sira! Imi hatene si’ik buat ne’ebé mosu iha lalehan no iha rai, nusa mak imi la hatene si’ik otas ne’e? 57Tan sa imi rasik la hare buat ne’ebé los? 58Ne’e duni, wainhira o ba tribunal hamutuk ho o nia funubalun, buka hadame malu ho nia iha dalan; keta halo be nia lori o ba juiz, hafoin juiz saran o ba guarda, no guarda hatama o iha dadur laran. 59Ha’u dehan ba o katak o sei la sai housi neba to’o o selu hotu.”