DGEMs

Maluk sira mak Kristu hadomi,

Fiar ne’ebé Inkondisional: iha Evangelho ohin, Jesus proklama mensagem Evangelho  ida ne’ebé radika lós ba ninia discípulos sira. Jesus ejiji katak Aman Maromak nia Vontade salvasaun nian presiza atualiza ka realiza duni ho kompromisso ne’ebé inkondisional; laiha tan buat ida ne’ebé importante liu ida ne’e. Reflete: “Maromak mak sai centru ba ita nia moris ka lae? Ita nia domin ba Maromak ne profundu no intimamente pessoal ka la’e?

Pe. Philip Heng, S.J.

49“Ha’u mai atu lori ahi ba raiklaran, no Ha’u hakarak teb-tebes ahi ne’e lakan duni. 50Ha’u sei simu baptismu ida, no Ha’u sei la hakmatek to’o buat ne’e mosu. 51Imi hanoin katak Ha’u mai atu lori dame ba raiklaran? Ha’u dehan ba imi katak lae; maibé atu halo ema haketak malu. 52Basa, houri ohin ba oin, ema na’in lima iha uma laran, sira lia sei la tuir malu: na’in tolu hasouru na’in rua, na’in rua hasouru na’in tolu; 53aman hasouru oan mane, oan mane hasouru aman; inan hasouru oan feto, oan feto hasouru inan; banin feto hasouru feto foun, feto foun hasouru banin feto.”