DGEMs

Maluk sira mak Kristu hadomi,

"Missaun Maromak nian": Iha Evangelho ohin, Jesus fó hanoin ninia discípulos katak sira presiza kumpri sira nia missaun hodi proklama Boa Notícia Salvasaun nian, ho vigilansia no fidelidade. Reflete: ita moris tuir duni ita nia fiar no konsiente katak ita presiza kumpri missaun ne’ebé Maromak fó ba ita idak-idak ho konfiansatotal ba Maroamak ninia providensia?

Pe. Philip Heng, S.J.

39Imi rona di-diak ba: uma na’in hatene karik tuku hira mak na’okten atu mai, nia sei la husik nia tama iha nia uma. 40Imi hein hela ba, basa iha oras ne’ebé imi la hanoin kona, Oan Mane sei hiit an mai.”

            41Pedro dehan ba Nia: “Na’i, Ita haktuir aiknanoik ida ne’e ba ami de’it, ka ba ema hot-hotu mos?” 42Na’i simu: “Se mak atan diak no matenek ne’ebé uma na’in haruka atu hare nia familia hodi fahe aihan ba sira tuir oras lo-los? 43Ksolok ba atan ne’ebé nia na’in hetan halo nune’e wainhira nia to’o mai. 44Tebes, Ha’u dehan ba imi katak nia sei fo knaar ba atan ne’e atu hare nia rikusoi tomak. Ba ema ne’ebé simu barak, sei husu mos barak; no ema ne’ebé simu knaar boot, barak liu mak ema sei husu ba nia.”