DGEMs

Maluk sira mak Kristu hadomi,

"Riquezas Materiais sira" – Seguransa: iha Evangelho ohin, Jesus proklama aiknanoik ida kona-bá “ema riku ida” ne’ebé planu atu passa nia tempu apozentadu ka pensiun nian ho vida luxo, riku no konfortabel. Maibé nia mate iha kalan ne’ebé nia planu hela ba nia futuru. Reflete: ita nia riquezas materiais nian labele sosa ka aumente ita nia tempu iha mundu ida ne’e. Buat ne’ebé importante, la’os tempu naruk ka tinan barak iha mundu ne’e maibé oinsa no dala hira, ita partilha Maromak nia Domin ho ema seluk iha ita nia moris?

Pe. Philip Heng, S.J.

15Hafoin Nia dehan ba sira: “Imi hare ba, keta kaan rikusoi, basa, la’os ema nia rikusoi mak halo ema moris liu.” 16Tuir mai, Nia haktuir ba sira aiknanoik ida ne’e: “Ema riku ida hetan aihan barak housi nia to’os. 17Nia hanoin hodi dehan ba nia an: ‘Ha’u sei halo sa los? Basa ha’u fatin la iha atu rai ha’u nia aihan sira.’ 18Hafoin nia dehan: ‘Ha’u sei halo nune’e: ha’u sei sobu ha’u nia aihan fatin hodi harii ida seluk boot liu fali ida ne’e; iha neba ha’u sei rai aifuan hotu to’os nian ho ha’u nia rikusoi tomak. 19No ha’u sei dehan ba ha’u nia klamar: ‘Ha’u klamar, o iha sasan barak ne’ebé rai hela ba tinan wa’in; hakmatek ba, han hemu hodi haksolok ba.’ 20Maibé Maromak dehan ba nia: ‘Beikten! Iha kalan ne’e  kedas Ha’u sei bolu o nia klamar; sasan sira ne’ebé o rai hela sei sai se nian?’ 21Nune’e mos sei mosu ba ema ne’ebé rai hela rikusoi ba nia an, maibé la sai riku ba Maromak.”