DGEMs

Maluk sira mak Kristu hadomi,

"Fiar ne’ebé korajoza": iha Evangelho ohin, Jesus dehan ba ema multidaun atu sira sai korazoju liu tan iha sira nia kompromissu hodi haklaken Lia Fuan Diak Salvasaun nian. Reflete: ita kompromete ka entrega ita nia vida hodi haklaken Jesus nia Evangelho iha ita nia moris? Oinsa ita nia vida moral, hanesan oho bebe ka halo abortus, no mós iha prátika anti-etika nian? Ita prátika injustisa espesialmente kontra sira ne’ebé fraku no kiak iha ita nia sociedade?

Pe. Philip Heng, S.J.

1Tuir mai, wainhira ema lubun boot teb-tebes halibur an hamutuk to’o sira hanehan malu, Jesus hahu ko’alia ba nia eskolante sira dehan: “Imi matan moris ba kona ba fariseu nia fermentu, katak sira nia laran makerek. 2Buat hotu ne’ebé taka hela, sei nakloke; no buat hotu ne’ebé subar hela, sei fo hatene sai. 3Tan ne’e, buat ne’ebé imi dehan iha nakukun laran, ema sei rona iha loron nabilan; no buat hotu ne’ebé imi hateten nei-neik ba ema nia tilun sub-subar, ema sei fo sai maka’as iha uma nia kakuluk.

4Ha’u nia belun sira, Ha’u dehan ba imi: keta tauk sira ne’ebé oho isin, hafoin la bele halo tan buat ida. 5Ha’u sei dehan ba imi se los mak imi ten ke tauk: imi sei tauk ida nebe, oho tiha isin, iha mos kbiit atu soe ema ba infernu. Tebes, Ha’u dehan ba imi, Nia mak imi ten ke tauk.