DGEMs

Maluk sira mak Kristu hadomi,

"Fiar ne’ebé Anti-Kristu": iha Evangelho ohin, Jesus denunsia ka ko’alia hasouru ema eskriba no sarizeu sira tamba sira nia prátika hipócrita fiar nian; sira oho hotu profeta sira no apostolu sira ne’ebé Maromak haruka mai hodi haklaken Lia fuan Diak Salvasaun nian. Reflete: ita moris ho vivensia ka prátika fiar ne’ebé 'hipócrita' hodi hamate no kontra buat hotu ne’ebé Kristu nia Evangelho haklaken? 

Pe. Philip Heng, S.J.

47Susar ba imi ne’ebé hada rate profeta sira nian: maibé imi nia bei ala sira rasik mak oho sira! 48Nune’e imi fo sasin, hodi hakarak mos imi nia bei ala sira nia hahalok sira; basa sira mak oho, imi mak hada rate. 49Tan ne’e Maromak nia matenek dehan: ‘Ha’u sei haruka profeta no apostolu sira ba sira; balun sira sei duni sai no oho,’ 50atu ema otas ne’e nian sei hatan kona ba profeta sira hotu nia ran, ne’ebé nakfakar houri mundu hahu, 51housi Abel nia ran to’o Zacarias nian, ne’ebé ema oho iha altar no santuariu nia klaran. Tebes, Ha’u dehan ba imi, ema sira ne’e sei hatan kona ba buat hirak ne’e hotu. 52Susar ba imi, doutor ukunfuan sira nian, ne’ebé hadau tiha  siabe  matenek nian! Imi rasik la tama, no imi taka netik dalan ba sira ne’ebé hakarak tama.”

53Wainhira Nia sai housi neba, eskriba no fariseu sira hahu haksesuk maka’as ho Nia, hodi  koko halo Nia ko’alia kona ba buat barak. 54Sira buka atu halo Nia sidi ho Nia liafuan atu nune’e sira bele du’u Nia.