28ª Semana tempo comum: terça-feira, dia 11, fulan Outubro, 2022 October 11, 2022
Reflection on the WORD
Maluk sira mak Kristu hadomi,
"Fiar ne’ebé superfisial de’it": Iha Evangelho ohin, Jesus siak Fariseu sira tamba sira kumpri ritual purifikasaun external de’it maibé internalmente sira prátika hela korupsaun no injustisa iha sira nia moris. Reflete: Dalaruma ita mós iha tendensia atu halo hanesan Farizeu sira? Ita hatudu ba ema hotu-hotu katak ita “Santu ka Santa” lós maibé na verdade, ita la moris tuir plenitude fiar kristan nian ne’ebé ita professa. Ita bele simu konvite Jesus nian hodi purifika ita nia-an husi parte interior?
Pe. Philip Heng, S.J.
Lk 11:37-41
37Jesus sei ko’alia hela, fariseu ida konvida Nia atu han iha nia uma. Nia tama hodi tur iha meja. 38Fariseu hakfodak, basa hare Nia la fase an molok atu han. 39Na’i dehan ba nia: “Imi fariseu sira hamos kopu no bikan nia liur, maibé imi nia laran nakonu ho hakarak atu hadauk sasan no hanoin aat. 40Beikten sira! Ida ne’ebé halo buat ne’ebé iha liur, la halo mos buat ne’ebé iha laran? 41Imi fo esmola housi imi nia laran, no buat hotu sei sai mos ba imi.
Today's Pointers on God's Word
As you read the passage what words, phases or meanings caught your attention?
- · Iha Evangelho ohin, ema Farizeu sira preokupa ho purifikasaun hahalok external nian maibé sira la konsiente katak sira nia interior nakonu ho pekadu ne’ebé iha prátika de injustiça e imoralidade iha sira nia sociedade.
- · Ita mós dalaruma sai hanesan ema Farizeus sira, ita ladun konsistensia ka ita sai hipokrizia oit’oan iha ita nia moris fiar nian. Jesus dezafia ita atu aprende sai autêntiku liu tan iha ita nia moris, tamba dalabarak ita ofende Maromak wainhira ita la moris tuir Maromak nia vontade.
- · Reflete: iha o nia moris, area ka dimensaun ne’ebé mak pekadu sei ukun hela ita? Reza hodi husu forsa atu bele ‘viver uma vida mais autêntika’ hanesan Kristu nian.