27ª Semana tempo comum: Quinta-feira, dia 06, fulan Outubro, 2022 October 6, 2022
Reflection on the WORD
Maluk sira mak Kristu hadomi,
"Orasaun– Fiar: iha Evangelho ohin, Jesus halo promessa ida ne’ebé radikal lós katak Maromak sei atende ka rona ita nia orasaun sira hotu. Reflete: tuir ita nia hanoin ka experiensia, Jesus nia promessa ne’e los ka kontese duni iha ita nia moris no ita orasaun sira? Sei la’e, entaun, reflete: ita nia orasaun sira reflete profunda sinceridade atu glorifika Maromak no servi nia povo ka ita nia orasaun sira iha tendensia atu husu de’it ba ita nia 'necessidades egoistas sira?
Pe. Philip Heng, S.J.
Lk 11:9-13
9Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi. 10Basa ema hotu nebe husu, sei simu; ema nebe buka sei hetan; no ba ema nebe tuku odamatan, odamatan sei nakloke ba nia. 11Iha imi le’et, aman ida nebe mak sei fo samea wainhira nia oan husu ikan? 12Eh sei fo sakunar ida wainhira nia husu manu tolun? 13Ne’e duni, maski imi ema laran aat hatene fo buat diak ba imi nia oan sira, oin sa liu tan mak imi nia Aman iha lalehan sei haraik Espiritu Santu ba sira nebe husu ba Nia?”
Today's Pointers on God's Word
As you read the passage what words, phases or meanings caught your attention?
- · Como ita nia Aman Maromak hatene buat hotu, Nai konhece ita diak liu fali ita konhece ita nia-an, tamba ne’e ita tenta atu rona Nia lian hodi bele hatene saida mak nia desidi saida mak “melhor’ ba ita nia dalan moris nian.
- · Tamba ne’e, ita nia konfiansa iha Maromak ne’ebé haraik ‘o melhor’ ba ita signifika katak kada orasaun ne’ebé ita halo ne’e importante. Maromak responde ba ita nia orasaun sira hotu maibé tuir Maromak nia maneira de responder no tuir Maromak nia tempu. Ho ida ne’e mak Jesus dehan “husu”, “dere odamatan” no “buka” – Maromak sempre responde ba ita nia orasaun sira.
- · Reza no husu grasa atu iha relasaun ne’ebé profundu ho Maromak, atu labele iha relasaun ho Maromak iha nivel superficial no sentidu de konversa ho Maromak iha tempu presiza de’it. Tamba reza de’it atu Maromak fo de’it saida mak ita desejo no necessidade ne’e reflete ita nia tendensia egocentric no manipulativu sira.