DGEMs

Maluk sira mak Kristu hadomi,

"Orasaun Ami Aman": Orasaun ida ne’e espesial, kapas no furak lós tamba Jesus rasik mak hanorin mai ita atu ita bele estabelese relasaun ho ita nia Aman iha lalehan. Reflete: Wainhira ita reza orasaun ‘Ami Aman’ – ita konsiente signifikadu profundu husi orasaun ida ne’e ne’ebé ajuda ita atu kria relasaun pessoal ida ho Maromak Aman, Jesus no Espíritu Santu.  Ida ne’e ejiji korasaun ne’ebé aberta hodi rekonhece katak ita Maromak nia oan atraves Kristu Jesus, ita nia salvador.

Pe. Philip Heng,S.J.

Jesus hanorin atu hamulak

1Loron ida, Nia harohan iha fatin ida. Hotu tiha, nia eskolante ida hateten ba Nia: “Na’i, hanorin ami atu harohan hanesan Joao Baptista hanorin nia eskolante sira.” 2Nia dehan ba sira: “Wainhira imi harohan, hateten nune’e: ‘Aman, tulun ema atu hahi Ita naran. Halo Ita nia reinu to’o mai ami. 3Haraik aihan loron loron nian mai ami. 4Haraik perdua mai ami sala, nudar ami perdua ema nebe halo aat ami. Labele husik ami monu ba babeur.’”