DGEMs

Maluk sira mak Kristu hadomi,

"Maromak ne’ebé so hatene hadomi" – Fiar: iha Evangelho ohin, Jesus proklama aiknanoik ida kona-bá "Bom Samaritano" ida, hodi fó hanoin ba ita katak fiar ne’ebé profundu no hadomi Maromak sei manifesta lolos iha ita nia asaun konkretas sira iha ita nia moris, la’os meramente husi liafuan de’it. Refelte: oinsa ita partilha generozamente ita nia tempu, talentus no rikursus sira seluk ho igreja, ho sira ne’ebé mukit, sira ne’ebé necessitadus no marginalizadus sira? Saida mak Jesus nia konvite ba ha’u agora ho ha’u nia tempu prezenti?

Pe. Philip Heng, S.J.

29Maibe, tan nia hakarak souri an, nia dehan ba Jesus: “Maibe, se mak ha’u nia maluk?” 30Jesus hatan hodi dehan: “Ema ida tun housi Jerusalem ba Jeriko. Nia monu iha na’okten sira nia liman. Sira hadau nia sasan sira hodi baku tasak nia; hafoin sira halai, hodi husik hela nia besik atu mate. 31Amlulik ida liu housi neba; hare tiha ema ne’e, nia hakat ba dalan nia ninin seluk. 32Nune’e mos levita ida liu housi neba: hare tiha ema ne’e, nia hakat ba dalan ninin seluk. 33Maibe, wainhira Samaritanu ida liu housi neba, hare tiha ema ne’e, nia hanoin nia teb-tebes. 34Nia hakbesik, tau mina ho tua ba nia kanek sira hodi falun sira, hafoin foti ema ne’e ba nia kuda rasik no lori nia ba uma ida hodi tau matan ba nia.

36Tuir ita nia hanoin, sira na’in tolu ne’e, ida nebe mak maluk ba ema nebe monu iha na’okten sira nia liman?” 37Nia hatan: “Ida nebe hatudu laran luak ba nia.” No Jesus hateten ba nia: “Ba, hodi halo mos nune’e.”