DGEMs

Maluk sira mak Kristu hadomi,

“Poder Maromak nian – Fiar: Iha Evangelho ohin, Jesus proklama katak ita nia fiar krista iha poder divina ne’ebé bele transforma ita nia moris no mos transforma mundu. Maibé, poder divinu ida ne’e so bele evidente ka akontese wainhira ita hala’o ita nia moris tuir duni Maromak nia Vontado. Reflete: Hanoin ka lembra tok momentu sira iha ita nia experiensia fiar nian iha ne’ebé ita experimenta ka sente poder divinu ida ne’ebé lori transformasaun ba ita nia moris.

Pe. Philip Heng, S.J.

5Apostolu sira hateten ba Na’i: “Haboot ami nia fiar!” 6Na’i hatan ba sira: “Imi nia fiar boot karik hanesan modo musan ida, imi bele dehan ba aihun ne’e: ‘Fokit o an housi ne’e, ba kuda o an iha tasi laran,’ nia sei halo tuir.

7Iha imi le’et se mak, iha atan ida nebe fila rai ka hein bibi, wainhira nia fila mai uma, sei dehan ba nia: ‘O mai lalais tur iha meja?’ 8Nia sei la dehan fali: ‘O ba tein,’ ka ‘O ba hatais lalais atu ha’u han no hemu; ne’e liu tiha mak o sei tur han no hemu?’ 9Ema se mak sei fo obrigadu ba nia atan tan atan ne’e halo buat nebe nia haruka? 10Nune’e mos imi, wainhira imi halo tiha imi nia knaar tomak, dehan ba: ‘Ami atan folin laek, ami halo deit ami nia obrigasaun.”