DGEMs

Maluk sira mak Kristu hadomi,

Tuir Jesus – Fé: Iha evangelho ohin nian, Jesus hasouru ema nain 3 ne’ebé hakarak tuir Jesus hanesan Nia eskolante. Maibé sira iha prioridade, necessidade no preokupasaun seluk ne’ebé sira tenki atende ba. Reflete; Maromak de’it mak ita nia prioridade boot liu no deseju kle’an iha ita nia fuan, ou ita iha Maromak barak seluk hanesan rikosoin material, gloria no gratifikasaun iha ita nia moris?

Pe. Philip Heng, S.J.

Susar atu tuir Jesus

            57Tuir dalan ema ida dehan ba Nia: “Ha’u sei la’o tuir Ita ba fatin hotu!” 58Jesus hatan ba nia, “Asu fuik iha luhan, manu sira iha lalehan iha knuuk; maibé Oan Mane la iha fatin atu sadere nia ulun ba.” 59Ba ida seluk Nia dehan: “O tuir Ha’u mai!”  Maibé ema ne’e hatan: “Na’i, husik ha’u ba hakoi lai ha’u nia aman.” 60Jesus hatan ba nia: “Husik matebian sira hakoi matebian sira; maibé o fali, ba hodi haklaken Maromak nia reinu.” 61Ema seluk dehan: “Ha’u sei tuir Ita, Na’i; maibé husik ha’u fo hatene lai ba sira ne’ebé iha ha’u nia uma laran.” 62Jesus hatan ba nia, “Ema ne’ebé tau ona liman ba sarua, hafoin fila oin ba kotuk, nia la soi ba Maromak nia reinu.”