DGEMs

Maluk sira mak Kristu hadomi, 

Kruz Kristu nian - Salvasaun: Iha evangelho ohin nian, Jesus dehan ba Nicodemos katak Maromak mai laos atu julga mundu, maibéatu salva, liu husi sira ne’ebé fiar iha Nia. Reflete kona-bá.“Jesus selu presu salvasaun eterna liu husi nia mate iha kruz. Kuando ita hasouru tentasaun no halo sala, ita nia força hetan husi esperansa ba Jesus nia miserikórdia.

Pe. Philip Heng, S.J.

 3Jesus hatan ba nia dehan: “Tebes, tebes, Ha’u dehan ba o katak ema la moris fali karik, nia la bele hare Maromak nia reinu.” 4Nicodemos hateten ba Nia: “Oin sa ema katuas ida bele moris fali? 5Nia bele tama fali iha inan nia laran atu moris hikas?” Jesus hatan ba nia: “Tebes, tebes, Ha’u dehan ba o: ema la moris housi be no Espiritu karik, nia la bele tama iha Maromak nia reinu. 6Buat ne’ebé moris housi isin, isin nian; no buat ne’ebé moris housi Espiritu, Espiritu nian. 7Keta hakfodak tamba Ha’u  dehan ba o, ‘Imi ten ke moris fali housi leten.’ 8Anin hu’u ba fatin ne’ebé nia hakarak; o rona nia lia, maibe o la hatene nia mai housi ne’ebé no nia ba ne’ebé. Nune’e mos ho ema hotu ne’ebé moris housi Espiritu.” 9Nicodemos husu dehan: “Buat ne’e bele sai oin sa los?” 10Jesus hatan: “O, mestre Israel nian no o la hatene buat ne’e? 11Tebes, tebes, Ha’u hateten ba o katak ami koalia kona ba buat ne’ebé ami hatene, hodi fo sasin kona ba buat ne’ebé ami hare ona; maibe imi la simu. 12Ha’u koalia kona ba sasan mundu ne’e nian karik, no imi la fiar Ha’u; oin sa mak imi bele fiar wainhira Ha’u koalia kona ba sasan lalehan nian? 13Ema ida la dauk sa’e ba lalehan; maibe Ida deit ne’ebé tun housi lalehan, katak Oan Mane.