24ª Semana tempo comum: Terça-feira, dia 13, fulan Setembro, 2022 September 13, 2022
Reflection on the WORD
Maluk sira mak Kristu hadomi,
Jesus halo ema moris fali husi: Iha evangelho ohin nian, Jesus ho kompaixaun halo moris hias fali feto faluk nia oan mane ida husi mate; Feto ne’e nia tristeza transforma ba ksolok bo’ot. Reflete kona-bá,“Jesus kontinua konverte ema sira ne'ebé moris husi mate tamba sira nia sala grave sira. Wainhira simu Maromak nia laran luak, ita simu ksolok ne'ebé mundu labele oferese.
Pe. Philip Heng, S.J.
Lk 7:11b-17
11Tuir mai Nia ba sidade ida naran Naim. Nia eskolante sira no ema lubun bo’ot tuir Nia. 12Wainhira Nia besik ona sidade nia odamatan, ema lori atu hakoi ema mate ida, feto faluk ida nia oan mane mesak. Ema barak housi sidade ba hamutuk ho feto ne’e. 13Hare tiha nia, Na’i hanoin nia ho laran hodi dehan ba nia: “Keta tanis!” 14Nia hakbesik, hodi kona kaisaun. Sira ne’ebé lori nia hamriik tiha. Hafoin nia dehan: “Klosan, Ha’u dehan ba o, hamriik ba!” 15Ema mate ne’e tur no hahu koalia. Jesus saran nia ba nia inan. 16Ema hotu hakfodak hodi hahi Na’i Maromak dehan: “Profeta ida mosu tiha iha ita nia le’et; Maromak mai hare tiha nia povu!” 17Lia kona ba Nia naklekar ba Judeia tomak no ba rai hot-hotu besik neba.
Today's Pointers on God's Word
As you read the passage what words, phases or meanings caught your attention?
-
· Iha evangelho ohin nian, Jesus nia kompaixaun ba feto faluk nia oan mane ne’e hatudu katak ita nia Maromak iha domin ba ita pesoal tebes.
- · Ita nia Maromak nia relasaun ho ita la’os de’it simplesmente hanesan ema ne’ebé “fó” buat ne’ebé presiza iha ita nia moris, maibé hanesan ida ne’ebé deseja atu dezenvolve relasaun íntima ho ita.
- · Wainhira ita prátika ita nia fiar kontribui mós ba relasaun pessoal ho Maromak ne’e ka la’e? Reflete kona-bá ida ne’e no ko’alia ba Maromak husi ita nia fuan.