24ª Semana tempo comum: María Santíssma nia naran bo’ot; Segunda-feira, dia 12, fulan Setembro, 2022 September 12, 2022
Reflection on the WORD
Maluk sira mak Kristu hadomi,
“Maria nia Naran – Fé”: Iha evangelho ohin nian, João Batista senti ksolok iha nia Inan nia knotak, wainhira María, Jesus nia Inan, Mesias ba visita nia. Reflete; María nia presença iha ita nia moris, bele mós inspira ita, atu responde ba Maromak nia hakarak, hanesan Nia halo ho fidelidade perfeita liu husi nia moris. Reza ba María ba nia kuidadu no domin mai ita.
Pe. Philip Heng, S.J.
Luke 1:39-47
39Iha loron hirak neba María hiit an lalais ba foho, ba knua ida iha Juda. 40To’o tiha Zacarias nia uma, nia kumprimenta Isabel. 41Wainhira Isabel rona María nia lia, kosok oan book an iha nia knotak ho ksolok. Nakonu ho Espiritu Santu, 42Isabel koalia ho lia makaas dehan: “Ita bo’ot diak liu feto hot-hotu! Ita bo’ot nia oan diak liu! 43Be ha’u se los atu ha’u Na’i nia inan hiit an mai ha’u nia uma? 44Basa, ita lia kumprimentu nian to’o tiha iha ha’u tilun, kosok oan book an ho ksolok iha ha’u knotak. 45Rahun diak ba ida ne’ebé fiar katak lia ne’ebé Na’i hateten sei sai tuir los duni.” 46María hatan: “Ha’u klamar hahi Na’i,47ha’u neon haksolok, iha Maromak ha’u Maksoin.
Today's Pointers on God's Word
As you read the passage what words, phases or meanings caught your attention?
-
· Wainhira Isabel admira María nia fé ne’ebé forte, María responde ho Hino-Magnificat. Hino furak ne’ebé glorifika Maromak nia santidade, justisa no laran luak.
- · Reza atu simu grasa haraik-an, ksolok, no paz nian ne’ebé María hetan ona, wainhira Nia halo tuir Maromak nia hakarak iha Nia moris
- · Magnigicat mós hatudu katak iha Maromak nia justisa, ema ne’ebé foti-an, Nai sei hatun nia, no sira ne’ebé haraik-an sei foti nia. Reza atu simu grasa atu sai hanesan Kristu iha moris loron-loron nian.