DGEMs

Maluk sira mak Kristu hadomi,

 “Bom Pastor-Fé: Iha evangelho ohin nian, Jesus proklama ba escriba no fariseu sira kona-bá “Bom Pastor” mak mesias ne'ebé sei buka no perdua ema maksalak sira hotu ho nia laran luak ne’ebé rohan la’ek no haksolok wainhira ema sala nain hakribi sira nia sala no fila fali ba Maromak. Reflete; “Saída mak Jesus hakarak koalia ba ita ohin kona-bá nia domin laran luak no perdaun?

Pe. Philip Heng, S.J

1Publikano no maksalak sira hotu hakbesik Jesus atu rona Nia. 2Fariseu no eskriba sira hamu’u dehan: “Ema ne’e simu maksalak sira hodi han hamutuk ho sira.” 3Tan ne’e, Nia haktuir ba sira aiknanoik ida ne’e: 4“Imi ida ne’ebé mak, iha karik bibi atus ida no lakon tiha ida, la husik sia nulu resin sia seluk iha rai fuik maran, hodi ba buka ida ne’ebé lakon to’o hetan nia? 5Hetan tiha, nia tau bibi ne’e ho ksolok iha nia kbaas. 6To’o tiha uma, nia bolu belun no maluk sira, hodi dehan ba sira: ‘Haksolok ho ha’u ba, basa ha’u hetan fali ona ha’u nia bibi ne’ebé lakon.’ 7Ha’u dehan ba imi katak iha lalehan sei haksolok tamba ema maksalak ida ne’ebé hakribi nia sala, liu fali ema diak sia nulu resin sia ne’ebé la kuran atu hakribi sala.”