23ª Semana tempo comum: Quinta-feira, dia 08, fulan Setembro, 2022 September 8, 2022
Reflection on the WORD
Maluk sira mak Kristu hadomi,
“Maromak nia planu: iha evangelho ohin nian, ita reflete kona-bá oinsá Jesus, ita nia Maromak no salvador, enkarna iha Maria nia knotak. Reflete; “Maromak iha mehi pessoal mai ita, atu moris ida plena, nakonu ho ksolok no konsolasaun Maromak nia hakarak. Ita esperiensia grasa abundante ida ne'e ka la’e?
Pe. Philip Heng, S.J.
Mt 1:18-23
18Jesus Kristu moris nune'e: ema hakotu ona Maria, Jesus nia inan ba Jose. Molok sira moris hamutuk, Maria ko’us tiha ona hodi Espírito Santu nia kbiit. 19Nia laen Jose, ne’ebé ema laran los no lakohi hamoe Maria, hakotu atu husik de’it nia. 20Nia hanoin dau-daun buat ne'e, wainhira Na’i nia anju mosu ba nia iha mehi dehan: “Jose, David nia oan, keta tauk simu Maria nudar o nia kaben, basa nia ko’us hodi Espírito Santu nia kbiit. 21Maria sei tur ahi oan mane ida ne’ebé o sei hanaran Jesus, basa Nia mak sei soi povu housi sira sala.” 22Ne'e hotu mosu atu halo tuir lia ne’ebé Na’i hato'o housi profeta dehan: 23”Fetoran ida sei ko’us no tur ahi oan mane ida ne’ebé ema sei hanaran ‘Emanuel’, katak 'Maromak ho ita.'”
Today's Pointers on God's Word
As you read the passage what words, phases or meanings caught your attention?
- · Ita nain Feto ho fiar ne'ebé forte no hanoin ida de’it hateten ba anju Gabriel Nia sei halo saída mak Maromak hakarak ba nia atu halo. São Jose mos obedese mensajen anju nian sem demora no disputa.
- · Maski moris Maromak nia hakarak susar tebes, hanesan tenki halai ses ba Egito hodi hadok-an husi Herodes. Sagrada família sempre salva husi aat no diabu sira tamba sira obedese no konfia iha Maromak.
-
· Ita hotu presiza halo tuir Maria no José nia exemplu kle’an no fidelidade boot iha sira nia fiar iha Maromak. Tamba ne'e, ita sei konsiente katak sei ita tuir Maromak nia dalan iha ita nia moris, buat hotu sempre sei funsiona diak tebes ba ita.