23ª Semana tempo comum: Tersa-feira, dia 06, fulan Setembro, 2022 September 6, 2022

Reflection on the WORD

Maluk sira mak Kristu hadomi,

 Poder divina Jesus nian: Iha evangelho ohin nian, Jesus diserne no hili nia eskolante sira. Nia kura ema sira ho moras oin-oin no iha espíritu foer sira. Reflete kona-bá, Jesus nia divindade ne’ebé Nia uza especialmente atu kura ita, no importante liu atu ajuda ita atu hakle’an ita nia domin ba Nia. Ita hadomi Jesus konsientemente loron-loron?

Pe. Philip Heng, S.J.

Lc 6:12b-19

12Iha loron hirak neba Nia sa’e ba foho atu harohan; kalan tomak Nia harohan ba Maromak. 13Iha dader, Nia bolu ba nia An eskolante sira, hodi fihir housi sira le’et na’in sanulu resin rua ne’ebé Nia hanaran ‘apostolu’ 14Simao, ne’ebé Nia hanaran Pedro, ho nia alin Andre; Tiago, Joao, Filipe ho Bartolomeu; 15Mateus, Tome; Tiago, Alfeu nia oan; Simao ne’ebé hanaran Zeloso; 16Judas, Tiago nia oan, no Judas Iscariotes ne’ebé sei saran Nia.17Tun tiha hamutuk ho sira, Jesus tur iha rai tetuk ida. Iha neba eskolante barak ho tan ema lubun boot housi rai Judeia tomak, housi Jerusalem no housi tasi ibun Tiro no Sidonia nian, 18mai atu rona Nia no mos atu hetan isin diak housi sira nia moras no sira ne’ebé Espírito foer sira book, no sira hotu hetan diak. 19Sira hotu buka atu kona nia, basa kbiit sai housi Nia hodi fo isin diak ba sira hotu.

Today's Pointers on God's Word

As you read the passage what words, phases or meanings caught your attention?

  • ·       Jesus serbisu ho an tomak atu kumpri Nia aman nia hakarak. Nia pasa kalan tomak iha orasaun antes nia hili nia eskolante sira. Então, imediatamente Nia atende nesesidades ema barak ne'ebé halibur hamutuk atu rona Nia no hetan kura.

  • ·       Wainhira ita serbí Maromak nia emar, ita tenki halo ida ne'e ho aan tomak no ho sinceridade, buka dalan atu lori ema ba Maromak.  Hanesan iha evangelho, iha ema barak tebes ne'ebé hakarak kle’an ba prezente ksolok rohan laek.
  • ·       Ita koko atu serbí no lori liafuan diak salvasaun ba ema sira iha ita nia moris? ita iha membru família, kolega no parenti sira ruma ne'ebé presiza atu rona liafuan diak?