23ª Semana tempo comum: Segunda-feira, dia 05, fulan Setembro, 2022 September 5, 2022

Reflection on the WORD

Maluk sira mak Kristu hadomi,

 

“Matan delek” – Fé: Iha evangelho ohin nian, escriba no fariseu sira hirus tebes-tebes tamba Jesus kura mane ida ho moras iha liman ne’ebé monu iha loron sábado. Reflete;  “ ita mós iha prejudika hasoru ema ne’ebé ita la gosta no hirus ba saída mak sira halo no koalia, no oinsá sira moris? Reza ba Kristu atu hetan matenek atu moris iha Lia Los Jesus nia evangelho nian.

Pe. Philip Heng, S.J.

Lc 6:6-11

6Iha loron Sabadu seluk, Nia tama iha sinagoga hodi hanorin. Iha neba iha ema ida ho liman los mate. 7Eskriba no fariseu sira hateke hela ba Nia atu hare Nia sei fo isin diak iha loron Sabadu ka lae, atu nune’e sira bele hetan lia ruma hasouru Nia. 8Maibé, tan hatene ona sira nia hanoin, Nia dehan ba ema liman los mate ne’e: “Hamriik ba, mai iha klaran!” Nia mai hamriik duni. 9Tuir mai Jesus dehan ba sira: “Ha’u husu imi: iha loron Sabadu, bele halo halo diak eh halo aat, soi ema nia moris ka halo aat nia?” 10Hafoin, hateke hale’u ba sira hotu, Nia dehan ba ema ne’e: “Lolo o nia liman ba!” Nia lolo duni, nia liman sai diak fali. 11Sira laran nakali, hodi koalia ba malu atu halo oin sa los ho Jesus.

Today's Pointers on God's Word

As you read the passage what words, phases or meanings caught your attention?

  • ·       Jesus la moe no la tauk atu kura ema ne'ebé moras liman, maiski Nia hatene nia inimigu sei uza ida ne'e hanesan evidensia atu kontra Nia. No entanto, Jesus hili atu defende buat ne'ebé los.

  • ·       Maromak fó loron sábado diak ba ema ne'ebé fiar. Tamba ne'e, ita tenki halo diak iha loron sábado ezemplu la husik ema ida terus arbiru de’it.
  • ·       Mai ita reza ba grasa sira ita presiza atu brani hamrik kontra injustisia no mos sabedória atu atua iha Kristu nia maneira iha tempu sira hotu.