DGEMs

Maluk sira mak Kristu hadomi,

“Humildade - Fiar”: Iha evangelho loron ohin nian, Jesus haklaken kona-bá importansia husi ita nia moris iha fiar no haraik-an, duke moris ho hanoin ba-an rasik de’it, loko-an no foti-an. Reflete kona-bá ne’e, Maromak nia domin, sadia, no mahan, tahan ita atu nafatin moris, fiél, no nakonu ho esperansa iha ita nia moris lor-loron. Ita reza husu grasa haraik an nian hodi hakle’an ita nia fiar ho domin Kristo nian.

Pe. Philip Heng, S.J.

Iha loron Sabadu ida, Jesus tama iha fariseu boot ida nia uma atu han. Sira hotu hateke ba Nia. Hare tiha oin sa bainaka balun fihir tur fatin diak, Jesus haktuir ba sira aiknanoik ida ne’e:“Ema ruma konvida karik o ba festa kaben ida, keta tur iha meja ulun; keta uma na’in konvida ema boot liu o karik; hafoin, ema ne’ebé konvida imi na’in rua sei dehan ba o: ‘Fo lai fatin ba ema ne’e.’ Nune’e o sei moe boot, hodi ba tur iha fatin ikus liu. Maibé wainhira ema konvida o, ba tur iha fatin ikus liu; nune’e, wainhira ema ne’ebé konvida o to’o mai, nia sei dehan ba o: ‘Belun, mai tur liu leten.’ Nune’e ema hotu ne’ebé tur hamutuk iha meja sei hahi o. Basa ema ne’ebé foti an, Na’i sei hatun nia; no ema ne’ebé haraik an, Na’i sei foti nia”.