DGEMs

Maluk sira mak Kristu hadomi,

“Responsabilidade - Fiar”: Iha evangelho loron ohin nian, Jesus haklaken ba nia discípulo sira, “ai knanoik kona-bá talento” hodi fó hanoin ita kona-bá responsabilidade sira no expektativas sira ne’ebé Maromak fó ba ita. Reflete kona-bá ne’e “bainhira Maromak fó ona bensaun ba ita ho grasa sira ne’ebé wain naresin, talento no riku soin sira ne’e, ita usa sira ba Maromak nia glória ka la’e?

Pe. Philip Heng, S.J.

Jesus konta ba nia disipulu sira parábola ida ne’e; “Sei hanesan mos ema ida ne’ebé, molok atu ba la’o rai, bolu nia atan sira hodi husik nia rikusoi ba sira. Ba ida nia fo osan talenta lima, ba ida seluk nia fo rua, ba ida seluk tan nia fo ida; ba ida-ida tuir nia kbiit. Hafoin nia la’o tiha. Kleur tiha, atan sira ne’e nia na’in fila mai hodi husu sira kona-bá nia osan. Ida ne’ebé simu talenta lima hakbesik hodi fo fali lima tan ba nia dehan: ‘Na’i, ita fo talenta lima mai ha’u, talenta lima tan ne’ebé ha’u manan mak ne’e.’ Tuir mai ida ne’ebé simu talenta rua hakbesik dehan: ‘Na’i, ita fo mai ha’u talenta rua; rua seluk ne’ebé ha’u manan mak ne’e.’ Na’i hatan ba nia: ‘Diak los, atan diak no laran los; tan o hatudu laran los iha buat ne’ebé kiik, ha’u sei fo ba o buat barak atu tau matan. Tama ba o na’i nia ksolok.’Ikus liu ida ne’ebé simu talenta ida de’it mosu mai dehan: ‘Ha’u hatene ita boot ema maka’as ne’ebé ku’u iha ne’ebé ita la kuda, halibur iha ne’ebé ita la lekar. Tan ne’e ho tauk ha’u ba subar tiha ita nia osan iha rai; buat ne’ebé ita nian mak ne’e.’ Na’i hatan ba nia: ‘Atan aat no barukten! O hatene katak ha’u ku’u iha ne’ebé ha’u la kuda, ha’u halibur iha ne’ebé ha’u la lekar. Ne’e duni, imi hasa’e tiha talenta housi nia hodi fo ba ida ne’ebé iha sanulu. Basa ba ida ne’ebé iha ona sei fo tan hodi hetan barak liu; maibé ba ida ne’ebé la iha, uitoan ne’ebé nia iha sei hasai tan housi nia.