DGEMs

Maluk sira mak Kristu hadomi,

“Mandamento ne’ebé bo’ot liu hotu”: Iha evangelho loron ohin nian, Jesus haklaken kona-bá Mandamento Maromak nian ne’ebé bo’ot liu hotu mak “Hadomi Maromak ho ita nia fuan tomak, klamar tomak no hanoin tomak no hadomi ita nia maluk sira hanesan ita nia-an rasik. Refleksaun, ita mós moris tuir duni mandamento ne’e loron-loron ka ita moris hodi buka tau ita nia-an iha sentru lós de’it (buka diak ba-an rasik) no ignora tiha domin ba Maromak no ita nia maluk sira rasik?

Pe. Philip Heng, S.J

Wainhira fariseu sira rona katak Jesus halo saduseu sira sai nonok, sira halibur an hamutuk. Sira ida, doutor ukunfuan nian, husu hodi koko Nia: “Mestre, ukunfuan ida ne’ebé mak boot liu?” Jesus hatan ba nia: “O sei hadomi Na’i, o nia Maromak ho neon ho laran, ho o nia klamar tomak. Ida ne’e mak ukunfuan uluk no boot liu hotu. Ida tuir mai hanesan nia: ‘O sei hadomi ema seluk hanesan o nia an rasik.’ Ukunfuan rua ne’e, ukunfuan sira hotu no profeta sira nia hun.”