DGEMs

Maluk sira mak Kristu hadomi,

“Ingratidaun- Fiar”: Iha evangelho loron ohin nian, Jesus haklaken “ai knanoik kona-bá festa Kasamento nian” atu fó hanoin mai ita fiar nain sira atu la garantia leet de’it iha Maromak nia grasa divina salvasaun rohan la’ek nian. Reflexaun, ita lakon ita nia foca sira ba objetivo lolos sira iha ita nia moris, bainhira ita preocupado demais ho ita nia glória no gratificasaun sira mundana nian. Ida ne’e los duni ka akontese duni ba ita?

Pe. Philip Heng, S.J

Jesus koalia fali ho aiknanoik hodi dehan ba sira:  “Reinu lalehan nian hanesan liurai ida ne’ebé halo festa kaben ba nia oan mane. Nia haruka atan sira atu ba bolu konvidadu sira ba festa, maibé sira lakohi mai. Nia haruka tan atan sira seluk dehan: ‘Dehan ba konvidadu sira: Aihan prontu tiha ona, ha’u nia karau ho balada bokur sira oho tiha ona, buat hotu nahe tiha ona, mai festa kasamento.’ Maibé, hanesan lia la kona sira, ida ba tiha nia to’os, ida ba nia kontratu, sira seluk, kaer tiha atan sira, baku sira no oho sira. Liurai, laran nakali teb-tebes, haruka nia soldadu sira atu oho ema aat sira ne’e hodi sunu sira nia sidade.

Hafoin nia dehan ba atan sira: ‘Festa kaben prontu ona, maibé konvidadu sira la soi. Ne’e duni, imi ba dalan sira hodi konvida ba festa kaben nian ema hotu ne’ebé imi hetan.’ Wainhira liurai tama atu hare bainaka sira, nia hare ema ida ne’ebé la hatais unuk festa nian. Nia dehan ba ema ne’e: ‘Belun, oin sa o tama iha ne’e la hatais festa kaben nian?’ Ema ne’e nonok hela. Tan ne’e, liurai dehan ba atan sira: ‘Imi kesi metin nia liman ho ain, soe nia ba nakukun iha liur, iha neba, ema sei tanis no ruun nehan’ Basa Na’i bolu ema barak, maibé hili de’it uitoan.”