DGEMs

Maluk sira mak Kristu hadomi,

“Ingratidaun-Maromak nia Sadia”: Iha evangelho loron ohin nian, Jesus haklaken “Aiknanoik kona-bá debedor” atu fó hanoin ita kona-bá infinita misericordia nebé Maromak nunka falha atu hatudu ba ita. Reflete kona-bá ne’e, ita mós hatudu ka lae ita nia laran sadia ba sira nebé hakanek ita no halo injustisa ba ita? Maromak niahakarak mak ita hatudu laran sadia nebé la iha kondisaun hanesan Nia. ita mos hatudu ona ka la’e ita nia laran sadia ba sira seluk?”

Pe. Philip Heng, S.J

Jesus liatun ba nia disipulo sira; “Tan ne’e, reinu lalehan nian hanesan liurai ida nebé hakarak sisi tusan ba nia atan sira. Wainhira nia hahu sisi, sira lori mai ema ida nebé iha tusan osan rihun sanulu. Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan.

Tan hanoin nia, atan ne’e nia na’i husik nia ba hodi kasu nia tusan. Wainhira atan ne’e sai housi neba, nia hetan nia maluk ida nebé debe nia osan atus ida. Kaer tiha maluk ne’e, nia buti metin nia kakorok dehan: ‘Selu o nia tusan ba!’ Nia maluk monu ain ba nia hodi harohan: ‘Pasiensia uitoan ho ha’u, ha’u sei fo fali buat hotu ba o. Maibé nia lakohi sadia nia hodi haruka maluk ne’e ba dadur laran to’o nia selu nia tusan hotu.

Tuir mai, sira nia na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; la bele hanoin o nia maluk atan hanesan ha’u hanoin o?” Hafoin, hodi hirus, na’i fo nia ba dadur na’in sira to’o nia selu nia tusan hotu. Imi ida-ida la perdua ho laran imi nia maun alin karik, Ha’u Aman iha lalehan sei halo mos nune’e ba imi.”