DGEMs

Maluk sira mak Kristu hadomi,

Conhese no Hadomi Jesus: Iha evangelho loron ohin nian, Jesus hakarak hatene se Nia apóstolo sira hatene no hadomi tebes duni Nia. Pedro nia resposta respresenta apostolu sira seluk nia afirmasaun kona-bá sira nia domin no kumprimisu iha Jesus nu’udar “Kristu, Maromak moris nain nia oan”. Reflete kona-bá ne’e: husu tok “saida mak ha’u nia hatan ba Jesus, se Nia husu ha’upergunta nebé hanesan?

Pe. Philip Heng, S.J.

To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?”  Sira hatan; “Balun dehan katak Nia mak Joao Baptista, seluk katak Elias, seluk fali katak Jeremias ka profeta ruma.” Jesus dehan ba sira; “Imi fali? Imi dehan Ha’u se?” Simao Pedro simu hodi dehan: “Ita Boot mak Kristu, Maromak moris nia Oan.” Jesus hatan ba nia : “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibé Ha’u nia Aman nebé iha lalehan. Ha’u dehan fali ba o, ‘O Pedro, no iha fatuk ne’e nia leten Ha’u sei harii Ha’u nia kreda; infernu nia odamatan sira sei la bele halo buat ida hasouru nia. Ha’u sei fo siabe reinu lalehan nian ba o; buat hotu nebé o futu iha rai, sei futu mos iha lalehan; no buat hotu nebé o kore iha rai, sei kore mos iha lalehan.