17ª Semana tempo comum: Sábado, dia 30, fulan Julho, 2022 July 30, 2022
Reflection on the WORD
Maluk sira mak Kristu hadomi,
“Lialos no Ódio” - Fiar: Iha Evangelho ohin nian, ema hakotu São João Baptista nia moris tambá koalia sai lialos kona-bá lalaok aat adultério nebé liurai Herodes halo hodi foti Herodias (nia alin nia fen) sai fali nia fen. Reflesaun; iha Herodias nia ódio, nia exige João Baptista nia mate. Iha loron ida, ita nia ódio sira iha laran bele hamósu destruição ida nebé sério no todan iha ita nia relação sira. Harohan ba graça haraik-annian atu bele hela iha Na’i Maromak nia dalan.
Pe. Philip Heng, S.J
Mt 14:3-10
3Herodes kaer duni Joao hodi futu nia ho korente no hatama nia iha kadeia tamba Herodiades, nia alin Filipe nia kaben; 4basa Joao dehan ba nia: “O la bele hola nia.” 5Herodes hakarak oho Joao maibe nia tauk povu basa povu hare nia nudar profeta. 6Maibe iha loron nebe Herodes halo tinan, Herodiades nia oan feto dansa iha ema hotu nia oin hodi fo ksolok ba Herodes, 7tan ne’e nia hakotu lia ho juramentu atu fo ba fetoran ne’e buat hotu nebe nia husu. 8Hodi nia inan nia liafuan, nia hatan: “Fo mai ha’u Joao Baptista nia ulun iha bikan boot ida.” 9Liurai neon susar, maibe tamba nia juramento no nia bainaka sira, 10nia haruka ema atu tesi Joao nia ulun iha kadeia laran hodi lori mai.
Today's Pointers on God's Word
As you read the passage what words, phases or meanings caught your attention?
-
· Herodes hili atu tesik kotu João Batista nia ulun do que foti fila fali nia liafun no “lakon oin” ho nia bainaka sira.
- · Hanesan Kristu, ita tenke moris tuir valor-valor Liafoun diak husi Kristu maiske opção sira imoral ou antiética kontinua tenta iha dalan oin-oin. Ita kontinua kaer ita nia Na’i no Maromak hanesan centro iha ita nia moris.
- · Certamente ita sei hetan Na’i Maromak nia graca atu moris iha coragem no fortitude, se iha hili/decide Kristu hanesan centro iha ita nia moris lor-loron.