16ª Semana tempo comum: Terça-feira, dia 19, fulan Julho, 2022 July 19, 2022
Reflection on the WORD
Maluk sira mak Kristu hadomi,
“Na’i Maromak nia hakaran”: Iha Evangelho ohin nian, Maria compreende saida mak Na’i Jesus dehan, “Ema se maka halo tuir Ha’u Aman nia hakaran iha lalehan mak Ha’u nia maun-alin, inan, no feton”. Reflesaun; “Na’i Maromak nia hakaran no Nia dalan dala sira dala barak hakat liu ita ema nia kompreensaun, liu-liu iha kanek no tentasaun sira iha moris ne’e. Ita iha domin no fiar nebé klean ba Na’i Jesus?
Pe. Philip Heng, S.J
Mt 12:46-50
Jesus nia parenti los
46WainhiraNia sei koalia dau-daun ba ema lubun boot, Nia inan ho Nia maun alin sira to’o mai iha liur hodi buka atu koalia ho Nia. 47Ema ida dehan ba Nia: “Ita nia inan no Ita nia maun alin sira hakarak koalia ho Ita”. 48Jesus hatan ba ida nebe koalia ba Nia: “Se mak Ha’u nia inan, se mak Ha’u nia maun alin sira?” 49Hafoin Nia lolo liman ba nia eskolante sira hodi dehan: “Sira ne’e mak Ha’u nia inan no Ha’u nia maun alin sira. 50Basa ema hotu nebe halo tuir Ha’u Aman lalehan nia hakarak, ema ne’e mak Ha’u nia maun, Ha’u nia feton no Ha’u nia inan.”
Today's Pointers on God's Word
As you read the passage what words, phases or meanings caught your attention?
-
· Na’i Jesus nia domin no respeito ba Nia inan no familiares ne’e inquestionável maiske Na’i Jesus ignora sira wainhira sira buka atu koalia ho nia?
-
· Na’i Jesus hakarak apresenta realidade ida nebé aas iha amizade ida, amizade entre Na’i Maromak ho ema. Nia hakarak ita hatene katak Na’i Maromak mak sai we matan iha ita nia amizade no ita hotu nia amizade tenke concentra iha Nia domin.
- · Fó fatin ba Na’i Maromak nia Espírito Santo atu muda ita nia fuan, hanoin no hakarak, hodi nune’e ita bele hadomi wain no generoso hanesan Na’i hadomi.