15ª Semana tempo comum: Sábado, dia 16, fulan Julho, 2022 July 16, 2022

Reflection on the WORD

Maluk sira mak Kristu hadomi,

“Kristu cruxificado”: Iha Evangelho ohin nian, Fariseu sira koko atu oho Na’i Jesus. Reflesaun; “iha sociedade secular ohin loron nian, iha ema barak mak la simu Kristu; sira koko atu halakon Na’i Jesus nia Lia-foun diak salvasaun nian. No entanto, hanesan Na’i Jesus, ita tenke halo vigilância nafatin iha ita nia fiar, maibé laran luak nafatin iha ita nia domin ba ema hotu.”

Pe. Philip Heng, S.J

Mt 12:14-21

14Sai tiha ba liur, fariseu sira hahu lia tuir malu oin sa atu halakon Nia.  15Tan  hatene ona ida ne’e, Jesus hadook An tiha housi fatin neba. Ema barak tuir Nia no Nia fo isin diak ba sira hotu, 16hodi hateten ba sira atu la bele fo hatene ba ema ida. 17Nune’e sai tuir duni buat nebe profeta Isaias dehan nanis: 18“Ha’u nia atan mak ne’e, nebe Ha’u fihir, Ha’u nia doben nebe  haksolok Ha’u nia laran teb-tebes. Ha’u sei tau Ha’u nia Espiritu ba Nia, Nia sei haklaken justisa ba nasaun sira. 19Nia sei la istori malu ho ema eh hakilar; ema ida sei la rona Nia lia iha dalan sira. 20Nia sei la silu tohar tan fafulu nebe atu tohar ona, sei la hu’u mate kabas ahi oan nian nebe sei suar, to’o Nia atu halo justisa manan. 21Iha Nia naran mak nasaun sira sei tau sira nia esperansa.”

Today's Pointers on God's Word

As you read the passage what words, phases or meanings caught your attention?

  • ·       Fariseu sira nia preconceito hasoru Na’i Jesus forte lós nebé halo buat nebé Na’i Jesus halo no haklaken sai la hetan fatin iha sira ulun. Sira la’os de’it buka dalan oi-oin atu hasoru Nia maibé mós atu oho Nia.

     

  • ·       Na’i Jesus foti sai profecia Isaías nian kona-bá “Atan terus nain’ hodi koalia sai oinsa Nia sei completa Nia missão liu husi Ninia sacrifíca-an la’os ho força no violência.

     

  • ·       Maiske ita ema lakon esperança ou fraku, Na’i Jesus sempre pronto atu lori graça isin diak, esperança no coragem ba ita no ba ema hotu. Harohan ba graça atu hametin ita nia fiar liu husi Na’i Maromak nia compaixão no justiça.