14ª Semana tempo comum: Sexa-feira, dia 8, fulan Julho, 2022 July 8, 2022
Reflection on the WORD
Maluk sira mak Kristu hadomi,
“Desafios iha moris fiar nian”: Iha Evangelho ohin nian, Na’i Jesus fó hanoin ba ninia eskolante sira atu moris iha fiar ho “matenek”. Iha inimigo barak iha moris fiar nian nebé sempre buka dalan atu “haterus” and “harahun” Na’i Maromak nia Liafoun salvasaun nian. Reflesaun; “ha’u pronto sakrifika no hasoru desafios ba ha’u nia fiar nomós domin ba Na’i Maromak?”
Pe. Philip Heng, S.J
Mt 10:16-20, 22
Apostolu sira sei hetan susar
16“Ha’u haruka imi ba hanesan bibi sira iha asu fuik sira le’et. Ne’e duni, matan moris neon na’in ba hanesan samea sira, no mos laran los hanesan manu falur sira. 17Matan moris ho ema sira. Sira sei lori imi ba sinedriu hodi baku imi iha sira nia sinagoga laran. 18Sira sei lori hodi kesar imi ba emboot no liurai sira tamba Ha’u, atu imi fo sasin ba sira no ba gentiu sira. 19Maibe wainhira sira saran imi, keta hanoin resin kona ba sa mak imi sei hatan, eh koalia oin sa; iha oras neba sei haraik ba imi atu dehan sa ida. 20Basa la’os imi mak koalia, maibe imi Aman nia Espiritu mak sei koalia liu housi imi. 22Ema hotu sei odi imi tan ha’u nia naran; maibe ema nebe hela metin to’o rohan sei hetan maksoin.
Today's Pointers on God's Word
As you read the passage what words, phases or meanings caught your attention?
-
· Ita ida-idak hasoru susar oi-oin iha moris. Ita “obriga-an” atu sai “bosok” (licik) atu bele halakon/hasoru susar hirak ne’e. Maibé, ida ne’e la’os hatur iha dalan nebé lori ita ba sala sira nia hakarak.
-
· Iha Evangelho ohin nian, Na’i Jesus garantia ita katak Espírito Santo sei la husik ita mesak; liu-liu iha momento sira nebé ema “laran moras ita” tambá de’it ita nia fiar iha Na’i Jesus.
-
· Na’i Jesus haré ho diak ita nia terus no desafio sira iha moris ne’e no ita nia esforço atu hela metin nafatin ho Nia. Reza ba graça coragem nian no tau fiar iha Na’i Maromak iha tempo tomak.