13ª Semana tempo comum: Sexta-feira, dia 1, fulan Julho, 2022 July 1, 2022
Reflection on the WORD
Maluk sira mak Kristu hadomi,
Na’i Jesus bolu Mateus – Fiar: Iha Evangelho ohin nian, Na’i Jesus “bolu Mateus” ema nebé halibur impostos nebé ema barak ódio no haré hanesan “sala nain bot ida”. Reflesaun; “Na’i Jesus bele haré buat diak sira iha Mateus, maiske iha ema barak nia hanoin katak nia ema sala nain ida. Buat diak saida maka iha ita nia fuan nebé Na’i Jesus haré no hakarak afirma?”
Pe. Philip Heng, S.J.
Mt.9:9-13
Jesus bolu Mateus
9Sai tiha housi neba, Jesus hare ema ida naran Mateus, tur hela iha fatin kobra impostu nian hodi dehan ba nia: “Tuir Ha’u mai!” Nia hamriik hodi tuir Jesus. 10Jesus tur hela iha uma laran, ema publikanu no maksalak barak mai tur ho Nia, hamutuk ho nia eskolante sira. 11Hare tiha ne’e, fariseu dehan ba eskolante sira: “Nusa mak imi nia Mestre han hamutuk ho publikanu no maksalak sira?” 12Rona tiha sira, Jesus dehan: “La’os sira nebe isin diak mak kuran doutor, maibe sira nebe moras. 13Imi buka hatene liafuan ne’e katak sa: ‘Ha’u hakarak laran luak, la’os sakrifisiu.’ Basa Ha’u mai la’os atu bolu ema los sira, maibe ema maksalak sira.”
Today's Pointers on God's Word
As you read the passage what words, phases or meanings caught your attention?
-
· Mateus, hanesan mós ema seluk halibur imposto, sai inimigo ba Judeu sira tambá la’os de’it sira sai belun diak ho opressor Romano sira, maibé sira mós explora sira nia ema rasik ba sira nia diak.
-
· Maibé Na’i Jesus bolu nia basá Na’i Jesus haré nia folin liu nia sala sira no reconhece potência sira atu sai eskolante Na’i Jesus nian.
-
· Na’i Jesus mós haré borus liu sala sira nebé ita halo tiha ona. Na’i Jesus hakarak atu ita loke ita nia fuan, hanesan mós Mateus, ba Nia konvite atu sai Nia instrumento/eskolante ba Lia-foun diak iha ita nia moris lor-loron. Ita nia fuan nakloke no hakarak atu responde ba, maiske iha dalan/buat kiik sira?