SÃO PEDRO, PAULO – APOSTOLU: Domingo, dia 29, fulan Juñu, 2022 2022 June 29, 2022

Reflection on the WORD

Maluk sira mak Kristu hadomi,

“Pedro nia fiar”: Iha evangelho ohin, Pedro dehan ba Jesus katak, Jesus mak Kristu, Maromak moris nia Oan.” Reflete; Pedro nia santidade no grandeza la depende ba nia intelijensia, maibé nia domin ba Jesus. Nia prontu atu mate ba Jesus maske ninia domin ne’ebé proteje nia. Ita-nia fiar no domin ba Jesus kle’an ka la’e?

Pe. Philip Heng, S.J.

      To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?” Sira hatan; “Balun dehan katak Nia mak João Baptista, seluk katak Elias, seluk fali katak Jeremias ka profeta ruma.” Jesus dehan ba sira; “Imi fali? Imi dehan Ha’u se?”

            Simão Pedro simu hodi dehan: “Ita Boot mak Kristu, Maromak moris nia Oan.”

            Jesus hatan ba nia: “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibe Ha’u nia Aman nebe iha lalehan. Ha’u dehan fali ba o, ‘O Pedro, no iha fatuk ne’e nia leten Ha’u sei harii Ha’u nia kreda; infernu nia odamatan sira sei la bele halo buat ida hasouru nia. Ha’u sei fo siabe reinu lalehan nian ba o; buat hotu nebe o futu iha rai, sei futu mos iha lalehan; no buat hotu nebe o kore iha rai, sei kore mos iha lalehan’

Today's Pointers on God's Word

As you read the passage what words, phases or meanings caught your attention?

  • ·       Jesus husu ba ita ida-ida, “ba ita, Ha’u ne’e se? Antes responde, ita ida-idak presiza iha koiñesimentu pesoal ida kona-bá Jesus nia identidade mai ita; la’os saida maka amu lulik sira koalia iha homilia, kolega no ema seluk dehan. Ita presiza hatudo ita koiñesimentu ida ne’e iha moris loron-loron nian.

  • ·       Ba Pedro Kristu mak Maromak nia Oan. Tan ne’e, nia moris ho koiñesimentu ida ne’e no fiél iha nia moris tomak to’o mate nu’udar martirio ida.

  • ·       Passa tempu balun reflete kona-bá se mak Jesus ba ita-bot. Se ita iha koiñesimentu klean no iha konviksaun Jesus ne’e se,entaun, ita-nia fiar no relasaun ho Maromak sei buras no ita bele manifesta Lialoos ida ne’e ho responsabilidade ne’ebé boot liu hanesan Pedro halo ona.