SAGRADO CORAÇÃO DE MARIA, Sábado, dia 25, fulan Juñu, 2022 June 25, 2022
Reflection on the WORD
Maluk sira mak Kristu hadomi,
“Maria nia Fuan – Maromak nia domin”: Iha evangelho ohin, Jesus ne’ebé foin tinan sanulu-resin-rua no lakon durante loron tolu, no hetan fali nia hanorin hela iha templu. Nia depois tun fali ba Nazaré ho nia Inan Maria no São José, hodi moris-tuir sira-nia autoridade. Reflete; “Iha Inan Maria nia domin no haraik-an, nia hanoin no submete nia vontade ba Maromak nia hakaran.”
Pe. Philip Heng, S.J.
Lc. 2:41-43,45-46,48-51a
Tinan tinan Jesus nia inan aman sira ba Jerusalem ba festa Paskua. Wainhira Nia halo tinan sanulu resin rua, sira sa’e ba Jerusalem, tuir lisan festa nian. Festa hotu tiha, sira fila hikas ba uma, maibe labarik Jesus hela iha Jerusalem; nia aman sira la hatene. Tan la hetan Nia, sira fila fali ba Jerusalem hodi buka Nia.
Liu tiha loron tolu, sira hetan fali Nia iha templu, tur hela iha ema matenek sira le’et, hodi rona no husu sira. Hare tiha Nia, nia aman sira hakfodak teb-tebes. Nia inan hateten ba Nia: “Ha’u oan, tansa O halo nune’e mai ami? O nia aman ho ha’u neon susar teb-tebes hodi buka O.” Nia dehan ba sira: “Tansa imi buka Ha’u? Imi la hatene katak Ha’u sei hela iha Ha’u Aman nia uma?”
Maibe sira la komprende lia hirak ne’e ba sira katak sa. Jesus tun fali hamutuk ho sira ba Nazare, hodi halo tuir sira nia hakarak. Nia inan rai lia hirak ne’e hotu iha nia laran.
Today's Pointers on God's Word
As you read the passage what words, phases or meanings caught your attention?
- Iha evangelho ohin, Jesus iha interese boot ba doutrina nia rona ona iha templo no partisipa iha diskusaun sira ne’e to nia haluha atu fila ho nia inan-aman sira ba Nazare.
- Ida ne’e grasa wain ida atu iha domin boot ba Maromak ninia obra sira basá la iha tan meius seluk atu ita gasta ita-nia tempu furak liu tan. Maneira moris ida nune’e la’os de’it exklusivamente ba sira ne’ebé serbí Maromak ninia povu no ema kiak sira. Sira ne’e mak hanesan padre sira, relijioju/relijioja sira, leigo sira iha Uma Kreda.
- Inan-aman sira ne’ebé fiel ba malu mós inkluidu iha ne’e, basá sira hala’o sira-nia vokasaun tan domin boot ba Maromak. Oinsa ita moris-tuir ita-nia vokasaun lor-loron nian?