DGEMs

Maluk sira mak Kristu hadomi,

“Orasaun Ami Aman: Jesus hanorin ninia eskolante sira atu harohan orasaun “Ami Aman”. Orasaun ne’e furak no poderozu tebes”. Jesus mak kria orasaun ida ne’e. Nia perfeitu tamba nia nakonu ho sabedoria divina, koiñesimentu no unidade ho niaAman”. Reflete kona-ba, “Ita reza Ami Aman ho fuan, espírito no neon tomak?”

Pe. Philip Heng, S.J.

Wainhira imi reza, keta koalia barak hanesan gentiu sira; sira hanoin katak ho sira nia liafuan bar-barak, Na’i sei rona sira. Keta halo hanesan sira basa imi nia Aman hatene buat nebe imi kuran molok imi husu ba Nia. Ne'e duni, harohan nune'e ba:

‘Ami Aman iha lalehan, halo Ita naran sai santo. Halo Ita nia reinu to'o mai ami; halo tuir Ita nia hakarak ba iha rai nudar iha lalehan. Haraik aihan loron loron nian mai ami. Haraik perdua ba ami nia tusan, nudar ami perdua sira nebe iha tusan ho ami. Keta husik ami monu ba tentasaun, maibe hasai ami housi buat aat.

Basa imi perdua karik ema sira nia sala, imi Aman iha lalehan mos sei perdua imi nia sala sira. Maibe imi la perdua karik ema seluk, imi nia Aman mos sei la perdua imi nia sala sira.”