DGEMs

Maluk sira mak Kristu hadomi,

Integridade – Fiar: Iha evangelho ohin, Jesus haklaken katak ita-nia integridade tenke boot liu fali eskriba no fariseu sira nian. Reflete kona-bá, “Integridade loloos iha ita-nia relasaun ho Maromak la dook husi ita-nia relasaun hoema seluk. Wainhira ita reza no adora Maromak, ita konkretiza orasaun sira ne’e iha ita niahahalok sira hanesan domin, kompaisaun no tulun?”

Pe. Philip Heng, S.J.

Jesus dehan ba Nia eskolante sira: ‘Imi nia justisa la boot liu eskriba no fariseu sira nian karik, imi sei la tama iha reinu lalehan.’

            ‘Imi rona katak uluk ema dehan ba ita nia bei ala sira: ‘Keta oho; no ema sei tesi lia ba ida nebe oho.’ Ha'u fali dehan ba imi; ‘Ema nebe laran nakali hasouru nia maun alin sira, ema sei tesi lia hasouru nia; ema nebe dehan ba nia maun alin: ‘beik’ sei hatan iha Sinedriu; no ema nebe dehan ‘bulak’ sei trus iha ahi infernu nian.’ Ne'e duni, wainhira o atu hasa'e o nia buat karan iha altar no hanoin fali iha neba katak o nia maun alin iha buat ruma hasouru o, husik lai o nia buat karan iha altar oin hodi ba uluk dame malu ho nia, hafoin mai hasa'e o nia buat karan. 25Buka dame malu lalais ho ema nebe kontra o wainhira imi la'o hamutuk ba tribunal; lae karik, nia bele saran o ba juiz, juiz saran fali o ba guarda, no guarda hatama o ba kadeia. Tebes, Ha'u dehan ba o, o sei la sai housi neba to'o o selu hotu.’