DGEMs

Maluk sira mak Kristu hadomi,

“Espírito Santo – Lialoos”: Iha evangelho ohin, Jesus dehan, “Se imi hadomi Ha’u, imi sei halo-tuir ha’u nia ukun-fuan sira; Espírito Santo sei hanorin imi buat hotu-hotu ha’u hato’o ona ba imi.” Reflete kona-bá, “Hadomi Maromak no fiél ba nia ukun-fuan sira labele akontese sem Espírito Santo nia Naroman, Inspirasaun no Sorsa. Santidade ne’e mai husi Maromak.”

Pe. Philip Heng, S.J.

            Imi hadomi Ha’u karik, imi sei halo tuir Ha’u nia ukunfuan sira. Ha’u sei harohan ba Aman; no Nia sei fo ba imi Ksolok na’in seluk ida atu hela nafatin ho imi.

            “Ema nebe hadomi Ha’u sei halo tuir Ha’u liafuan, no Ha’u Aman sei hadomi nia; Ami sei mai iha nia, hodi horik ho nia. Ema nebe la hadomi Ha’u la halo tuir Ha’u nia liafuan; no liafuan nebe imi rona dau-daun la’os Ha’u nian, maibe mai housi Aman nebe haruka Ha’u mai. Ha’u hateten lia hirak ne’e ba imi wainhira Ha’u sei hela ho imi; maibe Ksolok Na’in, katak Espírito Santo, nebe Aman sei haruka hodi Ha’u nia naran, sei hanorin imi buat hot‑hotu, hodi halo imi hanoin fali buat tomak nebe Ha’u hateten ona ba imi.