DGEMs

Maluk sira mak Kristu hadomi,

Maromak nia Dalan sira – Ita-nia Dalan: Iha evangelho ohin, Jesus fó-hanoin ba Pedro atu fokaba nia fidelidade hodi tuir Jesus, duke preokupa ho João nia futuru. Reflete kona-bá, “Maromak nia maneira sira dala barak la tuir ita-nia hakaran. Maromak ninia domin no laran-luak sempre permanente no diriji ba ema ida-ida. Ita-nia maneira sira mak kloot, individualistik, no finito.

Pe. Philip Heng, S.J.

            Pedro fila hodi hare katak eskolante nebe Jesus hadomi tuir sira, katak, ida nebe sader ba Jesus nia hirus matan wainhira sira han hodi dehan: “Na’i, se los mak sei saran Ita ba mate?” Ne’e duni, hare tiha nia, Pedro husu ba Jesus: “Na’i, kona ba nia sa ida?” Jesus hatan: “Ha’u hakarak karik katak nia hela to’o Ha’u fila mai, ne’e sa ida ba o? O tuir deit Ha’u ba!”

                  Housi ne’e mosu lia ida iha eskolante sira leet katak eskolante ida ne’e sei la mate. Maibe Jesus la dehan ba Pedro, “Nia sei la mate;” Nia dehan deit “Ha’u hakarak karik nia hela to’o Ha’u fila mai, ne’e sa ida ba o?” Ida ne’e mak eskolante nebe fo sasin kona ba buat hirak ne’e, no hakerek tiha buat hirak ne’e, no ami hatene katak nia sasin los.