7ª Semana da Páskua: Quinta-feira, dia 2, fulan Juñu, 2022 June 2, 2022
Reflection on the WORD
Maluk sira mak Kristu hadomi,
“Unidade iha Fiar”: Iha evangelho ohin, Jesus reza ba ninia Aman atu nia eskolante sira haforte liu-tan unidade entre sira.” Reflete kona-ba, “Maromak niaunidade no domin boot liu divizaun ” entre fiar-nain sira. Kontinua atu sai Maromak ninia manu-ain hodi harii unidade iha Uma Kreda liu-husi sai Kristu ninia Roman ba ema seluk.”
Pe. Philip Heng, S.J.
Jo. 17: 20-24
Ha’u la harohan deit ba sira ne’e, maibe mos ba sira nebe sei fiar iha Ha’u tan sira ne’e nia liafuan; atu sira hotu sai ida deit nudar Ita, Aman, horik iha Ha’u, no Ha’u iha Ita; atu sira mos hela iha Ita Na’in rua, nune’e mundu bele fiar katak Ita mak haruka Ha’u mai.
Ha’u fo ona ba sira gloria nebe Ita fo mai Ha’u, atu sira sai ida deit, nudar Ita Na’in rua ida deit. Ha’u iha sira, no Ita iha Ha’u; atu sira laran ida deit teb-tebes, nune’e mak mundu sei hatene katak Ita mak haruka Ha’u mai, no mos katak Ita hadomi sira nudar Ita hadomi Ha’u.
Aman, Ha’u hakarak katak sira mos nebe Ita fo mai Ha’u, hela hamutuk ho Ha’u iha fatin nebe Ha’u hela; atu sira bele hare Ha’u nia gloria nebe Ita fo tiha mai Ha’u tan Ita hadomi Ha’u molok mundu hahu.
Today's Pointers on God's Word
As you read the passage what words, phases or meanings caught your attention?
- Ema miliaun lubuk ida maka seidauk koiñese Jesus nu’udar Salvador no Maromak ne’ebé fó moris rohan-la’ek.
- Ita Kristaun sorte tebes tamba simu grasa fiar nian. Jesus nia orasaun ba nia Aman hatudu nia preokupasaun no kompaisaun ne’ebé klean atu ita ida la lakon; atu ita hotu hetan moris rohan-la’ek.
- Nu’udar jerasaun ne’ebé simu grasa fiar nian husi Apostolu sira, Maromak espera ita atu kontinua hatutan Lialoos Kristu nian ida ne’e ba ema hotu-hotu. Ema se-se de’it mak Espírito Santo konvida ita atu hakbesik ita-an ba iha momentu ida ne’e?