DGEMs

Maluk sira mak Kristu hadomi,

“Naroman no Nakukun”: Iha Evangelho ohin loron nian, Jesus haklaken publicamente katak nia mak Naroman Lialos nian ne’ebé sei halakon Nakukun sala no diabo nian iha mundo. Reflete; “Será que ita mos dala ruma ita laran rua-rua atu fila-an ba “Jesus Nia Naroman” wainhira ita hasoru nakukun sala, moras no depresaun nian? Fila ba Jesus; Nia nunka falla atu leno ita.”

P. Philip Heng, S.J.

Judeu sira la fiar Jesus

44Jesus dehan tan ho lia maka’as: “Ema nebe fiar iha Ha’u, la fiar iha Ha’u maibé iha Ida nebe haruka Ha’u mai. 45No ema nebe hare Ha’u, hare Ida nebe haruka Ha’u mai. 46Ha’u mai iha mundu nudar naroman atu ema nebe fiar iha Ha’u la hela iha nakukun laran. 47Ema ida rona karik Ha’u nia liafuan maibé la halo tuir nia, Ha’u la tesi lia hasouru nia; basa Ha’u la mai atu tesi lia hasouru mundu, maibé atu soi mundu. 48Ema nebe hakribi Ha’u hodi la simu Ha’u nia liafuan, nia iha ona ida nebe sei tesi lia hasouru nia: liafuan nebe Ha’u dehan mak sei tesi lia hasouru nia iha loron ikus. 49Basa Ha’u la koalia hodi Ha’u nia An rasik; maibé Aman nebe haruka Ha’u mai, Nia mak haruka Ha’u atu hateten sa los, no atu dehan sa. 50No Ha’u hatene katak Nia ukunfuan mak moris rohan laek. Ne’e duni, Ha’u koalia nudar Aman haruka Ha’u, nune’e mak Ha’u koalia.”