4ª Semana da Páskua: Segunda-feira, dia 9, fulan maio, 2022 May 9, 2022
Reflection on the WORD
Maluk sira mak Kristu hadomi,
“Bibi Atan Diak”: Iha Evangelho ohin loron nian, Jesus haklaken katak Nia mak “Bibi Atan Diak” ne’ebé sei lidera, protege no providencia ba Nia bibi sira. Reflete; “Sem Sabedoria Divina husi Jesus nia Evangelho, Sacramento sira no Igreja, husi ne’ebé ita hetan sentido, forsa no diresaun ne’ebé klean iha ita-nia moris ne’ebé sei lori ita ba salvasaun eterna?”
P. Philip Heng, S.J.
Jo. 10: 1-5,9-10
Bibi atan diak
1Tebes, tebes, Ha’u dehan ba imi: ida nebe la tama ba bibi luhan housi odamatan maibe tama housi fatin seluk, ema ne’e na’okten ida no buka deit atu han. 2Maibe ida nebe tama housi odamatan, nia mak bibi atan. 3 Ida nebe hein odamatan loke ba nia; bibi sira rona nia lia, nia bolu bibi sira hodi sira nia naran, no lori sira ba liur. 4Hasai tiha nia bibi sira hotu, nia la’o uluk; bibi sira tuir nia, tan sira hatene nia lia. 5Maibe bibi la tuir ema leet ida; sira halai housi nia, tan sira la hatene ema ne’e nia lia.” 9Ha’u mak odamatan. Ida nebe liu housi Ha’u sei hetan maksoin; nia sei tama no sai hodi hetan du’ut matak. 10Na’okten mai atu na’ok, atu oho, atu harahun deit. Ha’u mai atu ema hetan moris, hodi hetan moris ne’e wa’in liu tan.
Today's Pointers on God's Word
As you read the passage what words, phases or meanings caught your attention?
- Iha Evangelho ohin loron nian, Jesus, Bibi Atan Diak, bolu Nia-an “Portaun” Moris nian. Ho ida ne’e, Nia oferece hela mai ita plenitude moris nian, se ita hola atensaun ba Nia lian no tama liu husi “portaun” ida ne’e.
- Nu’udar ita tama no sai husi “portaun” ida ne’e iha ita-nia moris loron-loron, ita sei nunca lakon iha moris tamba Jesus sei sai ita nia segurança iha desafio sira ne’ebe ita hasoru.
- Konsolasaun ne’ebe ita simu husi Lialos Jesus nian ne’e intimidade ne’ebe ami sei desenvolve ho Nia diariamente no eventualmente ida ne’e sei lori ita ba “Portaun Ksolok Rohan Laek nian” iha lalehan.