3ª Semana da Páskua: Sábado, dia 7, fulan maio, 2022 May 7, 2022
Reflection on the WORD
Maluk sira mak Kristu hadomi,
Eucaristia – Fiar: Iha Evangelho ohin loron nian, Jesus nia escolante lubuk ida mak husik hela Nia tamba sira la konsege fiar katak Jesus oferece Ninia Isin lolos no Ran lolos iha Eucaristia. Reflete; “Será que ita-nia fiar iha Eucaristia ne’e metin no klean no ita sente ita-nia forsa espiritual ne’e renova atu hasoru desafio sira hafoin simu Jesus”?
P. Philip Heng, S.J.
Jo. 6: 60,64-69
60Rona tiha ne’e eskolante barak dehan: “Liafuan hirak ne’e todan teb-tebes: se los mak bele rona nia?” 64Maibe imi balun la fiar.” Basa Jesus hatene houri uluk kedas sira nebe la fiar no se mak sei saran Nia. 65Hafoin Nia dehan: “Tan ne’e mak Ha’u dehan ba imi katak ema ida la bele hakbesik mai Ha’u wainhira Ha’u Aman fo ba nia.” 66Houri tempu ne’e, Jesus nia eskolante barak fila kotuk hodi la la’o tan ona ho Nia. 67Tuir mai, Jesus lia tun ba sira na’in sanulu resin rua: “Imi mos hakarak ba ona?” 68Simao Pedro hatan ba Nia: “Na’i, ami atu ba los ho se? Ita mak iha liafuan moris rohan laek nian. 69Ami fiar ona hodi hatene katak Ita mak Maromak nia Santu.
Today's Pointers on God's Word
As you read the passage what words, phases or meanings caught your attention?
- Jesus la koko atu persuade Ninia escolante ne’ebe lakohi simu Ninia hanorin sira atu hela, maibé nia husik sira ba tamba fiar nee ikus mai signifika katak simu ka rejeita Maromak Ninia dom gratuitamente. Pelo contrario, Jesus sadik apostolo nain 12 atu halo sira ida-idak nia desizaun sira.
- Nune’e mos, Jesus fo hanoin fila fali ba ita hotu ohin katak nuudar Ninian no nuudar Igreja nia hanorin sira ne’e laos fácil atu kompriende ka atua tu simu, nune’e ita mos simu ka husik Nia?
- Iha tempo susar nia laran, ita espera katak, nu’udar Pedro, responde “Nai, ba se mak ami sei ba? Ita-Boot mak Ami-Nia Na’i no Mestre”