DGEMs

Maluk sira mak Kristu hadomi,

“Presensa Real Jesus nian”: Iha Evangelho ohin loron nian, Jesus haklaken, “Se de’it mak han Ha’u Isin no hemu Ha’u Ran hetan moris roahn laek.” Eucaristia mak Jesus nia Isin ne’ebé lolos no Ran ne’ebé lolos. Refleta; “Será que ita prepara, participa no hahi Jesus ho laran tomak ou superficial de’it wainhira ita celebra Eucaristia?”

P. Philip Heng, S.J.

52Ema Judeu sira haksesuk malu dehan: “Oin sa mak Nia bele fo nia isin mai ita atu han?” 53Jesus hatan ba sira: “Tebes, tebes, Ha’u tebes ba imi: imi la han karik Oan Mane nia isin, imi la hemu karik nia ran, imi sei la hetan moris iha imi. 54Ema nebe han Ha’u nia isin no hemu Ha’u nia ran hetan moris rohan laek, no Ha’u sei halo nia moris hi’as iha loron ikus. 55Basa Ha’u nia isin aihan duni, Ha’u nia ran tua duni. 56Ema nebe han Ha’u nia isin no hemu Ha’u nia ran horik iha Ha’u, no Ha’u horik iha nia. 57Nudar Ha’u Aman nebe moris haruka Ha’u mai, no Ha’u moris tamba Aman, nune’e mos ema nebe han Ha’u, sei moris tamba Ha’u. 58Ne’e mak paun nebe tun mai housi lalehan; la’os hanesan ida nebe imi nia aman sira han, hafoin sira mate hotu; ema nebe han paun ne’e sei moris ba nafatin.” 59Jesus hateten lia hirak ne’e iha sinagoga wainhira nia hanorin iha Kafarnaum.