DGEMs

Maluk sira mak Kristu hadomi,

Maromak-nia Hakarak – Salvasaun: Iha Evangelho ohin loron nian, Jesus haklaken ba ema lubun boot ida katak Nia Aman-nia Hakarak mak ema hotu-hotu hetan salvasaun. Nune’e, Jesus entrega mai ita Nia-An hanesan Paun Moris nian” atu hametin ita hodi hasoru desafio sira ita-nia fiar nian. Reflete; “Oinsa ita-nia atitude kona-bá Eucaristia? Será que ita-nia atitude babain de’it kona-bá Jesus ne’ebé entrega-an mai ita iha Eucaristia?”

P. Philip Heng, S.J

35Jesus hatan ba sira: “Ha’u mak paun moris nian. Ema nebe hakbesik Ha’u sei la hamlaha tan; no ema nebe fiar iha Ha’u sei la hamrook tan 36Maibe Ha’u dehan ona ba imi katak maski imi hare tiha Ha’u, imi la fiar. 37Sira hotu nebe Aman fo mai Ha’u, sei hakbesik Ha’u; no ida nebe hakbesik Ha’u, Ha’u sei la duni sai ba liur. 38Basa Ha’u tun mai housi lalehan la’os atu halo Ha’u nia hakarak, maibe Ida nebe haruka Ha’u mai nia hakarak. 39No Ida nebe haruka Ha’u mai nia hakarak mak ida ne’e: katak Ha’u keta lakon ema nebe Nia fo tiha mai Ha’u, maibe halo nia moris hi’as iha loron ikus. 40Basa Ha’u nia Aman nia hakarak mak ida ne’e: katak ema ida-ida nebe hare Oan Mane hodi fiar iha Nia hetan moris rohan laek; no Ha’u sei halo nia moris hi’as iha loron ikus.”