DGEMs

Maluk sira mak Kristu hadomi,

“Sinal sira fiar nian”: Iha Evangelho loron ohin, Jesus asegura Nia discípulo sira katak wainhira sira haklaken Lia-Foun Diak Salvasaun nian, sira sei hetan hakbít husi sinal-sinal oi-oin atu halo sira nia misaun evanzelizasaun nian ne’e sai autêntika. Reflete, “Milagre sira” saida de’it mak ita experiênsia hanesan afirmasaun ida katak Maromak ne’e real duni no Moris Hias duni?”

Pe. Philip Heng, S.J. 

15Nia dehan ba sira, “La’o ba mundu tomak ba, haklaken liafuan diak ba buat hot-hotu. 16Ema nebe fiar no simu baptismu sei hetan maksoin; maibe ema nebe la fiar sei hetan todan. 17Sinal sira nebe sei hela ho sira nebe fiar mak ne'e: hodi Ha’u nia naran sira sei duni sai diabu sira; sira sei ko’alia lia mesak foun oi-oin; 18sira sei kaer samea sira; sira hemu karik buat moruk no lanuk ruma, sira sei la hetan susar ida. Sira sei tau liman ba ema moras sira, no sira ne'e sei hetan isin diak fali.

Jesus sa'e ba lalehan

            19Na’i Jesus ko’alia hotu tiha ba sira, Nia sa'e ba lalehan hodi hatodan An iha Maromak nia kuana. 20Hafoin sira sai hodi haklaken liafuan diak iha fatin hot-hotu. Na’i fo tulun ba sira no hametin sira nia liafuan ho milagre oi-oin.