Oitava da Paskua: Quinta-feira, dia 21, fulan Abril, 2022 April 21, 2022
Reflection on the WORD
Maluk sira mak Kristu hadomi,
Kristu Resusitadu - Nia Prezensa: Iha Evangelho loron ohin, Na’i Jesus Ressucitado mosu derepente de’it ba Nia discípulo sira. Sira nakonu ho ksolok tamba Jesus Moris Hias ona! Reflete, “Hanesan Kristu Ressucitado han ikan lalar, nia divinidade prezerva dignidade humanidade nian. Jesus nia prezensa iha ita nia moris mak afirmasaun domin ida nebé hakonu ita ho Nia mistériu divina.”
Pe. Philip Heng, S.J.
Jesus mosu ba eskolante sira
36Sira sei ko’alia hela, Jesus hamriik iha sira le’et hodi dehan ba sira: “Dame hela ho imi!” 37Sira hakfodak no tauk, hodi hanoin katak sira hare mate klamar ida. 38Nia husu ba sira: “Tansa imi fuan taridu hodi husu buat barak iha imi laran? 39Hare Ha’u nia liman no ain ba: Ha’u mak ne’e duni! Kaer Ha’u ba, hodi hare katak mate klamar ida isin ho ruin la iha, nudar imi hare Ha’u iha.” 40Dehan tiha ne’e, Nia hatudu ba sira nia liman no ain. 41Maibe sira seidauk fiar tan hakfodak ho ksolok boot. Nia dehan: “Imi iha buat ruma atu han?” 42Sira fo ba Nia ikan tunu baluk ida. 43Nia simu, hodi han iha sira oin.
Today's Pointers on God's Word
As you read the passage what words, phases or meanings caught your attention?
- Leitura hatudu ba ita dala ida tan importansia husi Fiar nian. Wainhira discípulo sira dúvida, sira tauk.
- Maibé, wainhira sira hahú fiar katak Jesus iha sira oin, sira nia tauk nakfilak sai ksolok.
- Nune’e mós, hanesan ho ita. Se laiha fiar iha Maromak, ita nia moris nakonu ho tauk. Maibé, ho fiar klean iha Maromak, ita sei hetan paz nebé klean, esperansa no ksolok tamba ita nunka mesak; Maromak sempre ho ita, atu fó ita sentido, forsa, no saida mak ita hetan iha moris.