DGEMs

Maluk sira mak Kristu hadomi,

Milagre sira - La fiar: Iha Evangelho loron ohin, Judeu sira foti fatuk atu tuda Jesus tambá Nia halo blasfemia hodi haklaken katak Nia mak Maromak nia Oan Mane. Reflete, “Iha milagre barak tebes-tebes nebé hatudu katak Maromak buat hotu nia kbít,  perfeisaun no domin. Ita hakle’an ita nia fiar lor-loron ou ita husik Maromak nia diak saugati deít?”

Pe. Philip Heng, S.J.

31Dala ida tan Judeu sira kaer fatuk atu tuda Jesus. 32Nia dehan ba sira: “Ha’u hatudu ona ba imi hahalok diak barak nebe mai housi Aman: tan hahalok ida nebe mak imi tuda Ha’u?” 33Judeu sira hatan ba Nia: “Ami la tuda O tamba hahalok diak ruma, maibe tamba O ko’alia aat Maromak; tamba maski O ema de’it, O halo an Maromak.” 34Jesus husu sira: “La hakerek iha imi nia ukunfuam, ‘Ha’u dehan, imi sira ne’e maromak’? 35Ne’e duni, ukunfuan hanaran ‘maromak’ ema sira nebe Maromak nia liafuan to’o tiha, no ema ida la bele halakon eskritura, 36maibe ba Ida nebe Aman halo santu hodi haruka ba mundu, imi dehan ‘O ko’alia aat Maromak; tamba Ha’u dehan ‘Ha’u Maromak nia Oan’? 37Ha’u la halo karik Ha’u Aman nia hahalok, keta fiar Ha’u ba. 38Maibe, Ha’u halo karik, maski imi lakohi fiar Ha’u, fiar Ha’u nia hahalok sira ba atu imi bele hatene no komprende katak Aman hela iha Ha’u no Ha’u iha Aman.”