DGEMs

Maluk sira mak Kristu hadomi,

“Aman Maromak”:Iha Evangelho loron ohin, Jesus haklaken kona-bá uniaun nebé kle’an entre Nia ho Aman Maromak. Maibé, ema sira matan delek ba fiar. Reflete, “Ita hadomi ita nia Aman Maromak nebé mak hanesan Kriador, nebé Ninia hakarak katak ita obedese ba Nia Oan Mane Jesus, ita nia Salvador, no fila hikas ba Nia, iha Lalehan liu tiha ita mate?”

Pe. Philip Heng, S.J. 

Jesus mak mundu nia naroman

                  12Jesus ko’alia hikas ba sira nune’e: “Ha’u mak mundu nia naroman. Ema nebe tuir Ha’u la la’o iha nakukun laran, maibe sei hetan naroman moris nian.” 13Fariseu sira dehan ba Nia: “O fo sasin ba O nia An; O nia sasin la los.”14Jesus hatan ba sira, dehan: “Maski Ha’u fo sasin kona ba Ha’u An, Ha’u nia sasin los, tamba Ha’u hatene Ha’u mai housi nebe no Ha’u ba nebe; maibe imi la hatene Ha’u mai housi nebe no Ha’u ba nebe. 15Imi tesi lia tuir isin nia hanoin; Ha’u la tesi lia kona ba ema ida 16Maibe, Ha’u tesi lia mos karik, Ha’u nia lia los, tamba Ha’u la hela mesak. Ha’u hela ho Aman, Ida nebe haruka Ha’u mai. 17Iha imi nia ukunfuan hakerek katak ema na’in rua nia sasin los. 18Ha’u fo sasin kona ba Ha’u An; no Aman nebe haruka Ha’u mai, Nia mos fo sasin kona ba Ha’u.” 19Sira husu ba Nia: “O Nia Aman iha nebe?” Jesus hatan: “Imi la hatene Ha’u, la hatene mos Ha’u Aman. Imi hatene Ha’u karik, imi sei hatene mos Ha’u Aman.”